(To download, write-click on the tracks, click “Save target/link as …” and save the files directly to your computer, smart phone or other electronic devices.)
Quotation #1:
“Ang kaayuhan sa kalibutan maangkon pinaagi sa putli ug maayong mga buhat, pinaagi sa dalayegon ug angayan nga pamatasan.” (Bahá’u’lláh)
Quotation #2:
“Pagbantay! O katawhan sa Bahá, tingalig molakaw kamo sa mga dalan nila kansang mga pulong misukwahi sa ilang mga buhat.” (Bahá’u’lláh)
Quotation #3:
“O Anak sa Kaugalingon! Dad-a ang imong kaugalingon sa husay matag adlaw sa dili pa ikaw tawgon sa paghukum…” (Bahá’u’lláh)
Quotation #4:
“Ibungat: O mga kaigsoonan! Himoa nga mga buhat, ug dili mga pulong, ang inyong dayandayan.” (Bahá’u’lláh)
Quotation #5:
“Mga balaang pulong ug putli ug maayong buhat ang mosaka ngadto sa paraiso sa langitnong himaya.” (Bahá’u’lláh)
Quotation #6:
“Ang pagkamatinud-anon mao ang sukdanan sa tanang mga hiyas sa tawo.(‘Abdu’l-Bahá)
Quotation #7:
Kung wala ang pagkamatinud-anon, ang pag-uswag ug kalampusan, sa tanang mga kalibutan sa Diyos, dili gayud mahimo alang kang bisan si kinsang kalag.” (‘Abdu’l-Bahá)
Quotation #8:
“Patahumi ang inyong nga dila, O katawhan, sa pagkamatinud-anon, ug dayandayani ang inyong mga kalag sa dayandayan sa pagkamatinuoron.”
(Bahá’u’lláh)
Quotation #9:
“Himoa ang imong mata nga putli, ang imong kamot matinud-anon, ang imong dila matinuoron ug ang imong kasingkasing nalamdagan.” (Bahá’u’lláh)
Quotation #10:
“Sila nga nagpuyo sulod sa Tolda sa Diyos, ug naglingkod diha sa mga lingkoranan sa walay katapusang himaya, magdumili, bisan pa sila himalatyon na sa gutom, sa pagtuy-had sa ilang mga kamot aron ilugon nga supak sa balaod kadtong mga kabtangan sa ilang silingan, bisan unsa pa sila kadautan ug pagka walay bili.” (Bahá’u’lláh)
Quotation #11:
“Ang mabination nga dila mao ang batobalani sa mga kasingkasing sa katawhan. Kini mao ang tinapay sa espiritu, gibistihan niini ang mga pulong ug kahulogan, kini mao ang tuburan sa kahayag sa kinaadman ug salabutan.” (Bahá’u’lláh)
Quotation #12:
“O kamong mga hinigugma sa Ginoo! Niining sagradong Kapanahonan, ang panagsumpaki ug panagbingkil dili gayud ikatugot. Ang matag usa nga nag-unauna mihikaw sa iyang kaugalingon sa grasya sa Diyos.”
(‘Abdu’l-Bahá)
Quotation #13:
Walay lain, niining Adlawa, ang makahatag ug mas labawng kadaut niini nga Kawsa kung dili ang panagsumpaki ug panag-away, panagbangi, panagbungolay ug ang dili-pagtinagdanay tali sa mga hinigugma sa Diyos.” (Bahá’u’lláh)
Quotation #14:
“Ayaw pagkatagbaw sa pagpakita sa panaghigalaay diha sa mga pulong lamang, padilaaba ang imong kasingkasing sa mahigugmaong kalooy alang sa tanan nga motabok sa imong alagianan.” (‘Abdu’l-Bahá)
Quotation #15:
Kung ang hunahuna sa gubat moabut, supakon kini sa mas makusganong hunahuna sa kalinaw. Ang hunahuna sa pagdumot gikinahanglang mabuntug sa mas gamhanan pang hunahuna sa gugma.” (Abdu’l-Bahá)
Quotation #16:
“…ang pagpanglibak makapalong sa kahayag sa kasingkasing, ug makapatay sa kinabuhi sa kalag.” (Bahá’u’lláh)
Quotation #17:
“Iginhawa ayaw ang mga kasal-anan sa uban samtang ikaw mismo usa usab ka makasasala.”(Bahá’u’lláh)
Quotation #18:
“Pagsulti ayaw ug dautan, aron dili kini nimo madungog nga ibungat nganha kanimo, ug ayaw padako-a ang mga kasaypanan sa uban aron ang imong kaugalingong mga kasaypanan dili unta motungha nga mas labing dako pa. . .” (Bahá’u’lláh)
Quotation #19:
O Anak sa Kaugalingon! Nganong nahikalimtan mo ang imong mga kasaypanan ug gikapuliki mo ang imong kaugalingon sa mga kasaypanan sa uban?” (Bahá’u’lláh)
Quotation #20:
“Ilunod ang inyong mga kaugalingon sa kadagatan sa Akong mga pulong, aron inyo untang mabuksan ang mga tinago niini, ug hingkaplagan ang tanang mga perlas sa kinaadman nga nagpahipi diha sa iyang kahiladman.” (Bahá’u’lláh)